وحاصرونى << ‘إيلا بيسوي مهم كخخخ

وبس هدا إللى عندي كخخخخ

وهادي احد مغامراتى في ارجاء الوطن الحبيب

وسلامتكم

««O.te»»

listen 2 fall out boy new single i relly like it :)

see yaa soon

byee

***

الشخص التانى "2"

***

الرجاء منكم التصويت للمشترك الذى برأيكم يستحق اللقب

حيثو ان رقم 1 وهوا يعنى التصويت للمشترك رقم واحد

ورقم 2 هوا التصويت للمشترك رقم اتنين

وانتم إللى بتقروو ميين الافضل كخخخ <-- حسيت انى هيلدا

 وحسب تقديم الإيفاليسيو تم اختيار الاتنين هدول نومينييز

لانهم متزاعلين مع الحلااقين ..

حيثو ان الكدش ستار سوف تكون الجائزه حقتو

يؤخد اأقرب حلاق بنقااالى كخخخ وينحلقلو شعرو

بـ5 ريال ..

عااارف انكم تقولى يلعن شكل التفاهه إللى عايش فيها انا بس مشو حالكم كخخخ

وبس سلامتكم وآسف على البلوق الاهبل ههه

بس واللهى كمبيوترى خربان وما عندى شي ادفسو هنا

وحطيت التحــدى دااا

وجااايك يالمليووون .. وكوولكم حركاااااااات

o.te

السـلااااااااااااامون عليكوووووووووووووم

كيييييييييييييفكم يا قووووم ؟؟

واللهى وحشتمووونى كتيرن كتيرا .. وانهو لا يحز في نفسي غيابي عنكم واننى

اشوفو كومنتااتكم الخطيرا ولا ارود عليها <--- قطعت اللغه يا راجل كخخخ

والله صراااحه صرااااحه اشتقت ليكم كتييييييييير .. واشكر كل من كمنتلى وانبسطت منى واشكر كمان إللى دخلو يتشمتوو عليا كخخخخ

انا عااارف واللهى عارف انكم مو قادرين تعيشو وكل يووم تفتحو سبيسي تشوفو كتبت شي جديد ولا لاااع كخخخ <---والله محد معبرك كخخخخ

واكيد مشتاقين لمغامراتى وسولفاااتى وهرجي الكتير اللأنهائيه وما بعدها <--اشفق عليا فااصل العداد اليوم كخخخ

والله شوفو ظروف غيابي تتلخص فيما يلي:-

اولن :- الصيـــاعه ..

تانين :- الكــــوره ..

تالتن :- كمبيوتري المخرف ..

رابعن :- الجامعه ..

صراحتن دي الشيات ماخده كل وقتى كح كح .. ومنهمك فيها انهماكن شديدن اكاد ان اكون <--نفسي افهم كلامى

بالنسبه للكمبيوتر المخرف والله عامل فيا عمايل يعنى تحدى كل يوووم انا هوا ويووم انتصر ويووم ينتصر  واحيانن نتصالح

وكل ما اجي اكتب بلووق يقوولى والله ما تكتب وهاتلك يا مضاربات !!

طبعن الجامعه .. اف بس والله شي يقرررف .. بس اختبارات وحاجه تطفش .. لسع هز الوسط كلو بعد الحج

كح كح ..

طيب اليوم بعطيكم مقتطفاات كما تعودنا عليا كل مررره..

***

.. انـــا من المطلوبين ..

في يومن من الايام .. وانا شاااخط في خط جده وداعس دعس مو طبيعي ولا اذا بي اشووف ورايا حكوومه  طنشتو وسويت نفسي مؤدب وماشي بشويش ولا جاا جنبي وقلي طااااعط .. واشرلي ووقفت .. نزلى المحروس وقلى الرخصه والاستماره .. وقلي ليش مسرع .. عاد انا كح كح واللهى كونت ما ادري رجلى جات بقووه على البنزين ونمت وامى دقت عليا وكنت بدور شريط .. "اديتو تصاريف عاد هوا يختار"..وراح المحروس يكتبلي قسمة سررعه كح كح ..وقعدت استنااا واستنااا واستنااا ولا قالى تعال هنا .. روحتلو قلى انتا لقبك هوا دا قلتلو إيوا وبس وجهو شكل كدا ونزل وفتشنى وفتش سيارتى وجااات سياره تانيه ويفتشو كح كح وتكلمو بالاجهزه حقتكم وانا كونت نعساان بشكل خورافي وانخرطت قلت اهليييين من جد نفسي انام في غرفتى كح كح وفي النهايه قلي اشتبهنا بيك لانو في واحد لقبو زي لقبك ومن المطلوبين كح كح وووبس انا طوول الطريق وانا اسبسب مو في الحكومه طبعن الله يعزها كح كح بس اسب في رجلى إللى جات على البنزين كخخخخ

***

 .. اكبــر رأس في الحــاره ..

طبعن انا دحييين .. ليا مده متزاعل مع الحلاق تبعي كخخخ وشعري ما قصيتو وسااار كتير ..وتماااشين مع المووضه  تنفش الشعر وصااار آفرو وبهاذي المناسبه صرررت اكبر راااس بين الشباب وتضرب بيا الامثال  لكبر راااسي وشعري دا مسوي ازمه .. قبل كم اسبووع صرررت حديييث ميغا مووول كخخخ وسرت ظاهره هناااااك ..كخخخخ

ابااا افهم شي واااحد دحينا اكتر ما كتر الله في اماكن العوائل الشبااااب اوكي ليييييييييييييش لمن امشي في اي موول او اي مكااااااان يكفشووونى حقون الامن رغم انى واللهى ما اطالع في البنات ولا حتى ابتسم بس كدا اتكفش من الامن الله يقلعهم..يسيبو المجرمين ويمسكو البريئين زيي احم احم كخخخ

***

.. شايــــــــب وعايــــــب & الحجاااج الامتحان ..

قبل فتره كدا كونت في مرسي الاحلام وبس قاعد اتمشااا كدا .. وطبعن الشباب يمشو مع بعضهم والبنااات يمشووو وزي كدااا وأذا بي اشووف رجالييين كدا كبااااااااار واللهى وواحد عامل سكسووكه كدا وفيها شعر ابيض كمان .وبس كدا كانو ماشيين قدامى كدا ومرو بنات من جنبهم ولاااا العجوز اللعين داا قاعد يغازلهم .. وانا متفاجأ واللهى ما يستحى على شيبتو وعلى طحشو بالله دا لو غازل إيش بقا للشباب حسبي الله ونعم الوكيل بس !!

الحجااااااااج ضيووف الرحمن .. واللهى دوول سارو ابتلاء استغفر الله .. كمان حكومتنا اعزها الله حاطتلى جامعتنا في وسط البلد .. وكل يووم اصحى متأخر ياربي وبففف على السياره ودعس على الجامعه وانا في عز انطلااقتى ولا اشوووف عشررين حاااج وحجه ماشيين وماسكيين ايادييهم وطز في دين ام الشارع وقاطعينو كدا كلهم وعاد دوروونى انا الف يميين وادعس فرامل واعشق وافحط وانكبت عليا الكوولا وكتبي اتفرفرت وحااااال!! وغير البيصان"جمع بااص" والله يا كونت راح انحشر بين باصييين اتنيين كدا إلين طالع فيا السواق وشاف دمووع كدا وحزن عليا وسامحنى كح كح حسبي الله ونعم الوكيل بس !!

***

.. الحريــــــــــم ..

دحينا في يومن في اليومات يعنى .. كان عندي اختبار وطفشان قولت بروح الماركت كدا إللى جنبنا هوا مررره كبير كدا وزي بنده .. اوكي روووحت واشتررريت مقاضي البيت واشتريت كوولا وجاليكسي وايت وكيت كات وايت وبيوقلز وزي كدا .. وماشي بالعربيه واوقف على الكاشير طبعن طابووور ولاا جووو جنبي كدا بعربيتهم تلاته حررريم ووقفو جنبي انا قولت يمكن يبغوونى اعدي ويوقفو ورايا تحصل احيانن!!ولا خلصو الناس إللى قداامى وهدوول بففف خشوو عليا ودفوونى انا والعربيه حقتى !! ولا طرطعت كخخخ وصووت اول مرره اسمعو منى دييييييييي اسمها قلة حيااااااااا طب استأزنو قولو اى شي مو تصفوونى كدا عيب كدا .. ولا دخلى واحد كدا يقوولى عادي ياخي خليهم احترم الحريم قلتلو انتا تشتغل هنا قالى لأ قلتلو طب طيييير عنى ..اما عالم ملاقيييف .. والله انا صراحه اكره حركات الهمج هدووول والتانى عاملى رجاااال على راااسي حااال والله استغفر الله بس

***

وووبااس يا جماعه حااس انى طولت عليكم كخخخ معليش من زمان ما اتكلمت وحاااب اشكركم كلكم والله وحتى إللى زارو سبيسي اول مررره واشكرهم على آرائهم ..وانشاؤ الله استنو الحركاااات الجاايه بزبط السبيس ..

وبس آخيرن

س:إش رايكم في الشبااب إللى يلبسووو تووكااا ومطاااط على شعرهم ؟؟

س:اش رايكم في الشباب إللى يلبسو سلاسل ؟؟ <---اعووذ بالله منهم كح كح

س:إيش رايكم في البنت إللى تلبس برمودا وتحط رجل على رجل وتبين سياقاانهاا ؟؟كح كح

لانها بجد حصلت معايا كخخخخ كنت جالس في ريفيرا وفي الطاوله إللى قدامى قاعده بنت حلووه مشاؤ الله بس وحطت رجل على رجل وتستعرض بساقها قدااامى حتى انا طلعت سااقي بس اختى قالت خبي بلا فضايح كخخخ

وبس سلامتكم واشووفكم على خير

0.te

ســـــلامون عليكـــــــــــوووم

كيفكــم جمـــاعــه ؟؟ انشــاء الله بخيـــر

صراحه وحشتووونى ماااره اكتر من الكتير

شوكــرن لكــل إللى ما سألو عنى هههههه<--ياخي تحس محد يبغاك

ما عدا لووولااا ياناس دي البنت سوووكراااا

شوووكرن لووولا ويعطيكي العافيه وتسأل عنك العافيه دووومن

:)

والله غبت الفتــره دي للإستجمااام مو للدراسه طبعن كح كح

ممم صراحه تضايقت من النت حبه !! وكانت اعصااابي تعبانه جندن كخخخ

نررفزه كدا وتعصيب واى خدمه كخخخ وقلة نوووم يعنى فتره باد بعيد عنكم

والله بديت اعدل اوضااعي يعنى ..اولن شي ..

رجعنــا للكـوووره يوووي صراحه حماااس ..

تانين شي مسكت اعصابي خلااص كخخخ

واما الدراسه احيييييييه والله جايب امها شمال يا ويلي بس ..يعنى الدرجااات

كلها على الحواف كح كح ...

عندنا ماده معفنه يا ناس حقت بزوره بس الدكتو مصعب ام امها مسويها رياضيات

كخخخخ واحد من الشباب الله يستر ليه كخخخ جاب في الامتحان الدوري واحد من 10

قلو الدكتور شد حيلك في الامتحان النصفي .. قام شد حيلو وجااااب واحد ونص من عشرين كخخخ

كح كح اللهم لا شماته بس <-- بس اهجد لا تنكبنا كخخخ

مممممم اعتقد الواحد عشان يرتاح لازم يركز على اشيــاء مهمه ..

واحد:- صلاتــك ..دي من اهم الشيااات يعنى والله اعتبرها استغفر الله احيانن اصلي فرض واجلى اربعه الله يصلحنا باااس

اتنين :- اهلــك ... يعنى الزبده لا تزعل امك انا زعلت امى الفتره إللى راحت واتبهدلت وقوولتتووبه معد اعيدها ..وكمانه لو فيي ابوووك لا تزعلوو..

يعنى صراحتن عن نفسي اهملت دوولا الشيين وما شفت الخير كخخخ الله يصلحنى بااس

ممم بحكيكم الفتره إللى راحت مقتطفاات يعنى كخخخ وبنزلها في كتيب قريب انشاء الله

تلاقوها في ميد <-- سررري بس !!

صراحه بعدت عن النت يعنى مو مررره بس حاولت اشغل نفسي بشيات تانيه

يعنى شباااب ومباريات ونديها كووره للصبح وروحه وجيييه  وغدااء وعشااا وحشحشه في خلق الله كخخخ

واحيانن ادقها افلام .. واحيانن ادقها بلاي ستيشن .. واحيانن نادرن"كيف تجي دي مدري" انى اقرا كتب

لانى من فتره كدا روووحت جرير وشقلبت عند الكتب كداا ..

يعنى ترفيهات شوويااا ..

ايش كنت بقوولكم احس انى راح افقد اذانيااا .. افففف بس من مخترع الاوفارات دي ازعجنى

بس راح اركب كخخخ .. اوووه بس كل ما اركب مع واحد يرفعلى الصوت وهاتلك يا ازعاااج اوووخ

بم دج طخخخخ ذز از هاو وي دووو كخخخ وفيفيتى سينت ورجه بس حاجه تصروع

كح كح صحيح ارفع الصوت في سيارتى والصوت منتاز لكن دا ماااره ازعااج اوووه باااس

وفااااتكم يا ناااااااااس انا كرهت نفسي صراحه الاسبوع إللى فات

يعنى حبكت ما يسووولى المؤتمر الاسلامى إلا في مكه !!<--- هيا اهجد كخخخ

عادي ياخدو راحتهم يعنى يسووه وقت ما يبغو بس حرام ياااخي مقفلين الطرق عندنا

وزحمه .. مرره خرجت من القهوه الساعه وحده على اساس انى الساعه اتنين اكون نايم ووصلت البيت

اجي شوورطه كدا مقفلين لطريق .. وقعدت وقعدت ورجعت قعدت ووقفت ورجعت قعدت لمن الساعه تلاته وفكوو

الطريق قلك موكب بيمر !!

والله انا ما عندى شي صراحه والله يعز الحكومه <-- واحد خايف كخخخ

بس يعنى الربوع ما روحت الجامعه قفلو الطريق كدا مشكله يعنى

يالله الحمدولله دحينا خلص المؤتمر واتفقو الشباب وعينو خير والله يوفقهم يااارب انا مال اهلى دخل كخخخ

اوووه تعرفو انى اكره شي اسمو توووب ..ثووب يعنى دا إللى نلبسو الرجال نحنا..

ياااخي يضايقنى معرف اجلس زي الناس ويتكرمش واللياقه حقتو تطفشنى تقعد تنفلى دقنى

واكون في نص المحاضره كدا ويسمعو  اح .. ولا اووخ ولا اى .. اكون دا انا اتنتفت شعره من دقنى كخخخ

حااال والله ...

تدرو احيانن اتضايق لما اشوف ولا اعرف احد متضايق .. مدري احس انى ما ارتاح يعنى لو كان قاعد معانا واحد واحسو متضايق ما احاول حتى اضحك .. معرف بس احيانن ناس تفهم دا الشي انو غلط لكن مدري !

عمومن .. والله اتمنى انو الكل يعيش مبسوط يعنى وما يتنكد ويتضايق ..

وباااس حبيت اقرقر لكم شووويا لانى من زمان ما قرقرت

واشكر كل إللى كمنتووولى من اعماق وجاواويييف قلبي <--اش بتقول انتا !! كخخ

وبس سلامتكم الف سلامه واشووفكم في بلوق قريب جندن

سلاااااااااااامووووون عليكووووووووووم

كيفكم آجمعوووون انشاؤ الله بألف خير ..

واللهى شوووكررن كتير على كومنتااتكم الخطيره ويعطيكم الف عافيه ومليونين ريال كخخخ

إنشاااء الله كدا ارووق واروود عليها حبتوون تلو الاخرااا <--موناكبك إلا التنون كح كح

المهم حبيت اقوولكم .. الدشره حقت العيد طلعت من عيوون دين اهلى

والله روووحت شووربه انا والله يالكحــه هلكتنى اووويووووه..

روحت المستوصف يوووم الجمعه وربي تعباااااان ماااره .. وادخل عند دكتور عام

اقسم بالله شكلو سباااك خلينى ساكت بس .. اقوولوو اكح واحس بحراره في صدري

قلى ولا يهمك وراااح وبس جااتنى السستر ومعاها اربعه آبر كح كح

واعطتنى الابر وآحححح والله تعوور .. وبس قلت بستفسر ليش اربعه يعنى

سؤال بريئ .. واروحلوو يا دكتور ليش اربعه آبر قلي ابرتين مسكنه للكحه

وابرتين للمعده .. انا هنا بغت تجينى جلطه !!

يعنى صدري يوجعنى !! إيش دخل ام معدتى حسبي الله ونعم الوكيل

وكتبلي ادويه .. ورجعت البيت وزي العجايز اخدت ادويتى ونوومت

صحيييت معدوووم ابو العافيه الله يقلع السباكيين .. زكمت وصدري زي المدري إيش

وروحت الجامعه .. وشييي خشمى شغاااال مزبوووط واللهى اتعذبت

ولمن انااام ارجع اصحىاكح واكمل نووم كخخخ وصووتى مدري فين طاح كخخ

راااح الصووت كدا كإنى شكمان سياره كح كح

وشييي الدكتور شافنى مسرررح وقاام سألنى سؤال وجاوبت عليه بالكح

كخخخخخ

استغفر الله باااس شربت اى شي ليمون نعنااع عسل بالبرتقال  ليمون بالعسل والبرتقال

قرنفل ومدري إيش كللللللللل شي استغفر الله

واللهى الكحه والزكمه عزااااااااااااب

خلاص احس انى منى انا ... والله طفشت !! ضلووعى سارت تعورنى من الكح

كدا احس انى مسكين كخخخخ وآكل محشات من الشباب مقدر ارد

الصووت معدوووم وكحه طوول الوقت كح كح ..

هههه اتغدينا انا وسكووت سواا يووم الاتنين عدمتوو قاعد قدامى

وتفالين تطير عليه وقطع اكل كخخخخ مشي حالك يا شييخ كونت تعبان والله

وطبعن كان عندى اختبااااااااااار يوم التلوووت .. ابغا افهم شي واحد ؟

دحينا داا الاختبااار عليه 5 درجات اوكى حاااط لنا سؤالين مقاليه وسؤال اكمل الفراغ فيه 10 فقرات

وانا صراحه منى عارف .. كييف راح يقسم الدرجات وانا ما جاوبت تمام شكلى راح اجيب 1 من 5 كح كح

والله كنت تعبااااااااان وانا اذاكر مرره تعبااان :(

وعااد يوم الربوع كان عندى اختبار بدعت فيه .. ما حليت ولا شي

فلللللللله انا .. والله مرره تعبت انا والله يستر من الباقي يارب ..

طبعن الاسبووع الجاي كلوو اختبارات الله يعييين يااارب

ووو اليوم الجمعه روووحت اتعشيت في آبل بيز كح كح

وطلبت عصير بهاما ماما كخخخخ عشاان سفاري جيرل وصتنا ندووقوو كخخخ

والله منتااز وطعم .. من اطعم كمااان

**

إيوووا .. بتكلم عن شياات اكرهاااا

اولن شي ... البلوتووث

واللهى اختراع يطفش إللى ما يطفش اقسم بالله كرهت امووو دحينا واللهى اسمى نفسي اسمااء ولاديه والله .. ودااايمن اترقم هههههههه والله كتير اترقمت آخرها في آبل بيز إسمى يسووور .. وجاتنى صووره كدا وبيت شعر كدا فيها كخخخ منى فاهم منوو شي كخخ ومسمى الصووره بالرقم حقوو طب إش اسوي انا دحين معد بفتح البلوتووث طوول حياتى استغفر الله !!

**

تانين شي ... انا حلووو .. انا حلوووه امووره انااا

طب إيش نسوويلكم إذا انتو حلوين واموورين يعنى !! يعنى مافي احد حلوو غيركم !! واللهى حاجه تقرررف تفتح النت تتمشي في السبيسااات انا حلووه انا امووره انا دلووعه انا مدري إيشب اهلى .. يعنى قوولو بنات معليش يحقلهم يتدلعوو لكن اولاد يا عيب الشوووم كح كح .. اجي افتح التلفزيووون انا هيفااا انا من غيري انا يا بيبي انا والناس عارفين إيشششش تبغااا دي !! لاااا مسويتلى قررصااان كدا ولابسه دااك في عينهااا استغفر الله بس

ولا الخبله التانيه فرفووره انا زنبي إيه اموره انا اعمل إيه كلووو بيجري ورايا وانا اسيبهم معليش حرام !! مدري إيش تقوول يع اقسم بالله شكلها يقرررف كدا بالزات لن ترقص انا اتفرج وانا مفجوع اقوول سبحان الله ربنا خلق اشياء تشبه الانسان كدا كخخخخ المشكله عليها وجه ياربي لك الحمد ..

طب انتو حلوين وفرفوورين وهووس هووس هووس .. احنا إيش ممكن نسويلكم في دي الحاله يعنى يعنى بالزبط إيش المطلوب مننا !! افلقنى ياااشيييخ إن صككم الحلاا من جهه

إذا كنت تعتبر نفسك كامل من ناحية الشكل ثق تماما انك ناقص من ناحية اخرى <--- طيب يا انا يا حكيم كخخخ

**

تالتن شي .. والله السياره شغاله تمااام .. شغاله ولا سواق ههه

دين اهل اهلى يخلع من الاستخفاااف يعنى حلوو الواحد يخفف دمو كدا ويحش وشييي لكن الاستخفااف داا يقهر إللى ما يتقهر .. زي كدا الواحد بيهرج تمااام كدا ويقوول السياره شغاله يقووم واحد ينطق يقوول شغاله ولا سواق ويضحك !! طب انا إيش اسوي في دي الحاله اضحك يعنى ولا إيش المطلوب منى !دي صراحه إسمها تفاهه  يارب لك الحمد ..

ولكرهي بقيــه كخخخخ

 **

إيووا وكمانه هههه على هرجة البنااات إللى يحشو ... ترا انا عادى إي والله حتى انا احووش خلقن كتير بس انا قصدي انوو في حالتى الصعيبه هدييك وانا نعسااان وطفشااان ويجي واحد يحش كدا وتكوون ما تقدر ترد كخخخ فخمتو موقفي كح كح

وبااس يا جماعه قرقرت عليكم كتير معليش والله ابغا اكرف كيبوردي الجديد <-- يتفشخر يعنى يعنى كخخخ

والله يوفقكم يااارب في اختباراتكم ويسهل لكم ..

والله الله بالبراشيم كخخخخ لا لا استغفر الله بااس لا تصدقوو

وبس نشووفكم على الف خير

اخوكم :-

ابو علبة كلينكس

الســـــــــــــــلام عليكـــــــــــــــــــوووم

كيف حالـــكم ؟؟ يارب طيبيـــن وبأحسن حـــــــال

انشــاء الله عيدكــــم كان حلـــــــو وكووول وانبسطتـــــــو

؟؟

انا صراحــه اليوم نفسي اتكلــم عن اشيــاء كتيـــر

بس حاب اشكــر للي كمنتووولى .. ويعطييهم الف عافيه ربي وفوقها مليونين ريال كخخخ

وانا رديت عليكم آجمعووون كح كح

واشكـر للى زاروونى اول مررره وبسطوونى لمن شووفتهم

اوووكى يلااا نهرج ..

**

.. ليــــــــــالى العيــــــــد ..

اول يوم : طبعن اول يوووم تعرفووو كلكم ندق ابوها مواصله كخخخ ونروح صلاة العيد طبعن محسووبك مسوي ملتحي بوجهى كخخخ كمان الحلاقين زحمه .. وربي مرره زحمه ومافي غير شحط بالفلوس ! قلت يا ولد مالك ومال البهدله ما اجملنى وانا بدقن كخخخخ والله روحت صليت كل الخلق وجيههم تبرق مشاؤ الله ما عدا انا وجه الفقر بدقنى  و باااس روووحنا عند جدتى .. وهاتك يا سواليف مع اعمااامى وفطوور واى خدمه على اساس انو نفطر بس وندشر خلااص مع اهلى ولا يقولوونا لااازم العشاا اليوم قلنا مااشي وجينا اتعشينا ورجعت البيت ابااا انااام مدروخه الدروخه لو مالها اسم

تانى يوم : طوول اليووم دا قضيتو مسدوووح نمت ساعتين وزي الجنى صاحى لحالى ياولد جيب النوم ماافي امل قعدت ..خرجت بدوور شي آكلو مافي كح كح واللهى حاله .. دشرت مع اختى شوويا ورجعنا ونمت العصر وصحوونى المغرب ورجعت نمت المغرب صحوونى العشا بالله كيف انا كخخخ !!

صحووونى ورحنا العشاا حقهم استغفر الله بس .. رز ولحم رز ولحم والله حاجه تطفش وانا هنا فرفش خلاص بنشرد من العزايم ديي

تالت يوم : زي عادتى ما نوووومت كح كح قاعد زي الاهبل نمت الصبح كدا وصحيت قبل الظهر وقاااعد زي القضاا لحالى في الغرفه الكئيبه كح كح وبس روووحت الحلااااق وكااان فاااضي كخخخ وشيييي حلقت ورووقت وكل شي وانا كدا بدأ العيد حقي كخخخ ورجعت البيت واهلى صحيووو وسوالف وونسه واى خدمه اتسدحت قلك ابا انام والله مافي ريحة النوم وبااس بعديننننا خرررجناااا كلنا ولفلفه شوويا وروحنا اتعشينا في التحليه مع اهلى كوولهم .. وطبعن تشجيعات وحركتااات عشان الاتحاااد فاااز وباااس بعدها شدينا الرحال إلى آيس لاند وصراحه انا كنت تعبان هلكتنى الكحه استغفر الله.. وكمانه نعساااان يعنى مطفى مزبوووط وصراحه قعدت طفشان هناك ..بس غيرنا جووو حبببه كدا ولعبنا اولاد اخوويا .. وبعدها خرجناااا وشدينا الرحال إلى مرسى الاحلااااام .. وهناك صراحه اتونست لانو مرره كان زحمه وشييي خطير والله .. وباااس قعدنا إلى فج النووور ودحدررنا من هوونيييك ..

رابع يوم :نمنااا وصحينا .. وبعدها رووحنا اتعشينا في مطعم إيرانى صراحه شاورما من مافي كح كح ..وبعدها شدينا 

الرحال إلى درة العروووس صرااااحه انا طفشان والله ونمت في سيارة اخويا .. لانو اولن ما خلانى اجي بسيارتى وتانين ابغاا اطلع مع اصحابي كح كح بس وصلنا الدررره وزحممممه مزبوووط ..قعدت شوويا بعدين اتونست قابلنا خالى بالصدفه وو قابلت شباب اعرفهم واتونست معاهم وبااس بعدينا مشينا ورجعنا البيت ..

خامس يوووم : دا اندهرت فيلو نوووم من الظهر صكيتها نوومه لمن الفجريه اليوم التانى

سادس يوووم : قعدت صاحي من الفجر وبعدينا نومت العصر كخخخ وصحيت وروووحنا على طوول على مرسى الاحلام عشان في قرايبنا هوونييييك وجلسنا معاهم ووناسه وزحمه وزي كدا

سابع يوووم : نمنا وصحينا وروووحنا على ماكدونالدز إللى في الحمراا اتعشينا وشدينا الرحال للدره صراحه طفشت بس اتونست مع زوج بنت خالتى .. وبعدينا رجعنا الصبح وفطرنا في امريكان كونرز صراحه آكاهم كلام كتير..

وبااااس

وخلااص معد بروح مكان تعبت واللهى قلك اليوم الشلال والله ما فيا حيل خلاص بقعد مع الشباب اصرررف

عااارف تعبتكم بالقرقره بس إيش اسووي انفجااار من زمان ما قرقرت كخخخ

إيوووا صح نسيت بوريكم نظارتى الجديده الشمسيه

بصراحه في بنات ما يستحووو..اسمعووو انا كونت واقف ونعسان مرره ومعايا اختى في المرسى وفي امان الله ولابس طبعن نظارتى دييي .. ولاااا جووو شله كدا بنات وقفيين جنبي يعنى وبس بيتكللموو ولا فييي وحده منهوووم عامله نفسها فللله وتطالع فيا وتحشنى تقوول لوحده جنبها هيا"هيا شووفي التانى عاملى نفسو حلو" ..واللهى قهرتنى بغيت اشردحلها في وسط الشغل هناك بس بنت مقدر ! حسبي الله ونعم الوكيل كل إللى سويتو رفعت النظاره لجبينى واديها نظرة القرفان النعسان ابو عيون حمرا كح كح

وبنات تانيين ماشيييت ورايا كدا زحمه ولا وحده بتقوول صفر خمسه صفر انا سمعت شغلت ارقام طالعت ولا يضحكوو ويقوولى صادوووه !! هيا إيش اقوولهم بالله !!قلتلها هي هي هي ظريفه "مع وجه قرفان"كح كح..

وكنت ماشي مع ولد خالى وبأقوولهم ترا تعبت من المشي ولا وحده تقوولى حتى انا تعبت !! إش تبغا دي كح كح

واللهى عالم طفشاااانه كح كح

والله صراحه كان عندى شيات اكتر اقوولها هههه بس ما ابغا اتعبكم انتو عاااد سوكرة سبيسي :)

وبس ادعووولى بالشفاااا لانى تعبان والله صدري مرره معدوم ومقدر اتكلم بس اكح..

وسلامتكم

ســـــــــلاااامووون عليكــــــــــــوووم

كـــ ـ ـ ـــل ســــ ـنـ ــــه وانتـــــ ـ ــــــــم بخيــــ ـ ـ ـر

عيـــدكـــ ــ ــم مـــــ ــ ــ بــــــارك

وينعاااااااااد عليكم بالخير والبركــه يااارب

وبس

كنت بقوولكم طبعن بكــره صلاااه وتعرفو عاد زيارات وما شابه ذلك

والله يعيييييييييييييييييين

بس فاااااااتكم يا ربييييييي بس

طبعن امس ام المشاوير عشان رجعت حبيبتى "سيارتى"

وامتحااان نروح اسواق ونررجع وشيات زي كدا

والزحمه عاد ما يحتاااااااج خلينى ساكت بس

المهم روحت المساعديه وقعدت في كووفي وانا راجع سيارتى

وإذا بي انصدم صدمه آليييييييييمه

تخيلو !

الكفر إللى قدااام منسم .. قووولت آحيــــــه وقتك انتا برضو

وباااس جانى سووواق مدري مين ههههه

وركبلى الكفر اقوول يا شيييخ وخررر ابغا اركب انا بنفسي يدفنى

يقووولى لا لا لااااااا سيييب

بس شيلت الكفر اتوسخت انواع الاوساخ كح كح

بس اكتشف انو مسمااار ما يستحى على طوولو وعلى شكلو

وداخلى جوووة الكفر اما قلة ادب وحيااا من جد

حسبي الله بس انا ابو النحس

الله يعيين بس ..

إيوووه بااي ذا واااي ..

لووولااا صوورت القميص تبعي كح كح

عمومن اكيد ما راح يعجبك يا لوولاا كخخخ بس دا من بلينــد

عمومن هوا القميص إللى فووق دا اما الرصاااصي دا شي تانى كح كح

بس إيش رايكم مو كشخه كخخخ

بالله بس محشااات على خفييف بس لو سمحتو كخخخ

؟؟

إيوه صح نسيت والله اشكــر كل إللى يتابعو سبيسي الغير مفيد ..

ويعطيكم الف عافيه ..

احب اشكــر..

سمــاهر

لـــوولا

آلؤؤؤه

وبنكيااا

وجعوصي

وريمــو

وSafari G!rl..سارونا الاموره

وX Girl ..الله يخليها بااس :)

وبس هدوولى إللى يحطوولى كومنتاات ويعطيهم العافيه

وانشاؤ الله ما اقصر معاكم

وكمااانه بأشكر إللى زاروونى اول مررره

منهم كيووتى قيرررل :)

و تعوووبي واقولوو ابشرر لو تبغانى اخدمك

و ســروووونا

وليتل ريما "فورزا يووفي ;)"

وجداااوياااا والله اتبسطت بشوفتك يا فتووو حقتنا :D

ورنوووش

وAj world

وكماااانه غيرهم كتير ..

الله يعطيكم الف عافيه وكمنتوولى زياده واللهى اتبسط بشوفتكم

وحاب اقوول لـ..

مبسطــه بالسووق اهلييين دكنى فااكرك تماااام ههه

يييب انا اوتاون بشحمو ولحمـــــووو .. وشرفتينا ..

و لـ Sugar jeddah ..

هلا واللهى نورتينى بزيارتك يعطيكي الف عافيه

وافتقدنا كلماتك الروعه والمفيده

**

وانشاؤ الله اكون ما نسيت احد .. واحاول ما اقصر مع احد

والله يتقبل اعمالكم في رمضان يااارب ..

ويبسطكــم في العيد انشاء الله

وباااس سلامتكوووووووووم

وكلكم حركــــــــات

وو اوووه ما اطيب قووودي كخخخ

ســــــلامون عليكوم ورحمــة الله وبركاتو

كيفكوووكم يا جماعة؟؟

شوووكرررن على كومنتاااتكم ..الجميله ..

وعلى الناس إللى زاروونى اول مررره ..

واى خدمه نحنا تحت آمروووكووو ..

صراحه اليوم انا مبسوووط قولوولى ليه ما قدرت انااااام

عشااان سيارتى خلصت ونحمدك يااارب من جد وحشتنى يوووي

آآآخ ما كنت اتخيل انها راح توحشتنى بدا الشكل وانشاء الله شويا اروح

اجيبها وإذا مو اليوم بكره بالكتير

اهم شي انى راح اعيييد بسيارتى العزيزه المفعووصه ..

ياااخي الواحد يقدر يروح يجي يسوي إللى يبغاه مو يقعد

تحت رحمة الاخرين <-- كخخخ دي عجبتنى

اقسم بالله انا طفشاااااااااان كدا مافي اي اكشن بس زحمه ..

ابغا العيد يخلص صراحه تدرو ليه لانو الواحد يرجع للحماس

ونلعب كووره وجلسه مع الشباب ووناسه والله دحين كل واحد مشغوول مع

اهلو ولا نشم ريحتو حتى بس هيا تكووه شوويا كدا وكم صكه بلووت ونجي ماشيين

إيوه صح

يا جماعتو الخير تخيلو هههههه

النااس بتعيييد ومبسوووطه كدا ..

تانى يوووم العيد ..

إلا خرجت انا لهذا العالم في 2/10 ..

اى في تانى ايام العيد المبارك .. انولدت

يعنى بالعربي كدا ابغا عيديات وهدايااا كخخخخ

هههه

امزح امزح شووفتكم احلاا هديه ليا <-- بطلك البكش ليووم واحد يااخي

كخخخخ لا والله ما ابكش <--- طيب بطل المرقعه

إيوه صح بمناسبة البينكي ههههه

ممممممممم شوفو يعنى معلوومه بس

ماهو لوون البنكي هدا

لا يا جماعه عييييب فلعن عيييب البس كدا مافي غير العالم تنبرش عليا

طب صلوو على النبي وكلو ياااخد يؤ

إللى يقوولى بنت وإللى يقوول رجعووو

هوا اللون

زي كـــــدا

كح كح

يالله ما حصلشي إلا خير ههه

والله المستعاااان

وكل سنه وانتو طيبين مرره تانيه

وبس سلامتك يااارب

ا

ســــــــــــــــلااامززز

كيييفكوووم يا جماعه ؟؟

انشاؤ الله تكونو بألف خيـــــر ياااارب

واللهى من زماااان عن السبيس.. وقرررفت من الستايل القديم ..

قلت يا ولد سوي تجديد بركدن تنفتح نفسي وانا مدري كح كح

بس سويت تجديدااات طفيييفه يعنى هكزاااا

يعنى يعنى كووولى حركاااااااااااااااات كخخخخ 

تعرفو والله الدونيا ومشاغلها .. والله حاجه تقرررف نفسي اززعق بس معد في صوووت

من الحررق في الدوخااان كح كح

سيارتى كل يووم يقولوولى الشركــه انو بتطلع بووكرا

وهاتلك يا لطع حسبي الله عليهم

 دحينا ليها عندهم 11 يوووم يا قلبي يا لا تحزن :(

جدن طفشاااان بدون سيارتى والله مشتااقلها جدن كدا اتمرمطت من غير سيارتى

يالله مشووو حالكم ..

كييف العيد وكيف احوالكم شفتو بس كيف الزحمه الالييييمه ..

انا صراحتن استغرررب قولولى ليه .. لانى دي العشر الاواخر

الناس بدااااااال من سارو يتعبدو الله .. سارو يلفلفو في الاسواق

وزحممممممه وشغلللللللللله يووووه

يا جماعه شاارع التحليه فيلو زحمه انبليفبل إيش دا يؤؤيي

ولا الاسواااق يا ساتر يا ستاااااار انا صراحتن لسع ما اشتريت كل الشياااات

يعنى .. بس كم بلوزه وحزام وحجااات خفاايف كدا باقيلي شيات مرره كتير

ياربيييييييييييي والله هم كبير مررره مرررره .. والله المفروض انى اكون مخلص

شيات العيد من بدري لكن السياره قربعت كل مشاغلى

المشكله كل ما يعجبنى شي مافي مقاسي .. يعنى إيه يعنى كل الشباب يلبسووو ميديم يعنى ولا كييف ؟

إيوا صح يا حلوييين نسيت اقوولكم .. انوووو

كل سنــــــــه وانتو طيبـــــن ياااارب ..

من بدري قبل الزحمه كخخخ

عارفييين انا فااض بيا كل التي شيرتااات والاقمصه لوونها بينكى .. وحقت الاولاد

وانا صااابر اقوول يا ولد يمكن تلاقي شي تاانى والله دووخت

إلللين اتهورت واشتريت قميص بينكى كخ كخ اخويا خلاص بيتبرااا منى

بس واللهى مو بينكى مررره .. يبغالى اصورلكم هوا هههه بس واللهى

فيلو خطوط حمراااااا بس جميل جدن بس يالله إنشاؤ الله يطلع عليا حلووو

إيواااا صح ..

نسيت اشكر كل إللى يمرو على سبيسي الغير مفيد ..

واللهى انا فرحان بمرووركم وافتخر انى صاحبكم< - - -كخخخ احلا يا افتخر 

وانكم تدخلووو سبيسي وتطلعو وانتو مبسوطين منووو

وفيي ناس مقصر معاهم انا لكن ولا يهمك بس افضى

إذا ما فصفصت سبيسااتكم كخخخ وطفشتكم من كتر ما اقعد في السبيس حقكم كخخخ

وبس كمانه بسألكم عن البنر الخورافي إللى سويتو كخخخ إيش رايكم بس

وبس سلامتكم حبايبي ..

c yaa

اخوكم :-

إللى ما عندو اي حركات

سلاااااااااااااامون عليكوووووم

كيفكم يا اصدقااانى الصودقاااء ؟؟

صراحتن والله بصراحة الله واللهى

انكم بسطتموونى وافرحتموونى فرحن شديدن

<--- يا شيييييخ اطلع منها بس كح كح

والله ما رديت على كومنتااتكم معليش سامحوونى

برد عليها قريب ولا يهمكووو يا قدعااان

المهم انا واللهى يا جماعه اتبهدلت .. صراحه

حياة الشاب بدون سياره جدن صعيبه

الواحد كدا يحس انو مال اهلو داعى إي والله ..

انا اقوولكم وانا راجع من جده يووم الجمعه .. ومااشي في امااان الله

ولا اسمع طوووط طووط قلت يا واد إيش الهرجه .. واطلع الاقي لمبه

ولعت في السياره اتفجعت بصراحه وحييييط وقفت ونزلت من السياره كدا وطفيتها

قلت خليها ترووق بس .. وارجع اشغل ما تشتغل ياا راااجل جررب تانى

مررره مو راضيه وبس بالغصيبه اشتغلت ومشيييت بشويش

لمن وصلت البيت والسياره حالتها مزريه إي والله .. المهم

طبعن سيارتى واللهى جديده ما ليلها سنه معايا بس بينى وبينكم

انا منى منتبي عليها كتير .. كح كح بس الحمدولله عدت على خير

وهاتك يووم السبت يا بهدله كنسلت الجامعه وديت السياره الشركه

وطبعن السياره مخررفه وما يشتغل المكييف..

كدا حااسس نفسي بيتزا جووت السياره وحررر استغفر الله بس

وصيااااام وآخر حلاااوه .. دخلت السياره واتناقرت مع السوري إللى هناك وهكزا

وبس الاحد كمانه كنسلت الجامعه .. وكل الناس إللى يبغوونى العب معاهم

دقوو عليا وكل المباريات يبغوونى العب ماالت عليا اول عندى سياره محد يكلمنى

بس كدا احس نفسي مهم اى احد يبغانىالعب يجينى البيت ويأخدنى كخخخ

وبس الكويز إللى يوم الاتنيين تافهه رغم انى ما زاكرت كح كح بس حليت

وحق يووم التلوت طبببعن الاتنين في الليل لعبت مباراه وتعبت ورجعت تعبااان

وما زاكرت .. وخااايف واللهى .. وبس إذا بي يقوول الدكتور انو مافي اختباار

وإذا بي افرح فرحن مو طبيعييين إي والله ..

وبس .. طبعن داومت يوم الاتنين مع سواق صاحبة امى .. وباقي الايام مع ام كلتووم

دا واحد اعرفو واللهى هوا مو صاحبي بس ساكن جنبنا بس جمل الله حالو

وآخر خبريـــــــه <--- اررررحم يا ميشيل كخخخ

انــــــــووو

خلاااااااااااااااص

بدأت إجـــــازتــــــى

لولولولولووووووووووووو ليييييييييييي

طبعت دكاتره قالو لا تجو ودكاتره يتادلعو يعنى بالعربي لا تجو

ما عدا واحد دكتوور مصري طبعن يتوصا في حالو

لانو مررره يعرفها إللى اداوم .. فــ معطييلو اوووف انا من بدري

وبس سلااااامتكم كح كح

اخوكم المتبهدل

ابو بدون سياره*

كخخخخخخخخ

ســ ـ ـ ـ ـــلامون عليكووووم

كيفكم آجمعووون انشاء الله تكونو بخير

وكل عااام وانتو بخير <-- بدري يا طييييب كخخخ

ورمضان كريم <-- بالله من جد كخخخ !!

صراااحه يا حبااايبي كومنتاااتكم تجنن واللهى كدا احس احد يسمعلى واللهى

يعطييكم الف عاافيه وليا الشررف اكوون صديييقكم يا اصدقااانى انتو..

وكيييف الدعس في رمضان كخخخ اديلوو سمبووسه وشوربه واى شي

صراحه كلام كتير ..

المهم انا من يووم ما جاانا ولفااانا رمضااان وانا مندهر يعنى صراحتن شغل

مافي وقت للنت إلا حق نص سااعه كدا الواحد يشيك على الإيميل ويروح يبربر

على كم سبيس وباااس

المهم انا بقرقر عن نفسي في رمضاااااان

صراحه في رمضان الواحد مشغوول جدن واللهى اولن شي الكرف حق الجامعه

اوووه بس والله احس انى بتعفن في الكهف دا الجامعه

كل يوووم اروح 9 وارجع 3 او 2 واكوون خلاص فاااصل وحالتى حاله

واناااااام واصحى افطر واتفرج طاااش .. وبعدها استكن كدا

واطلع من البيت واصلى العشا وكم ركعه من التراويح

وعاد لو كان يوم احد ولا تلوت اروح للنادى العب طااايره وما ارجع إلا وحده ونص وماشابه ذلك كخخ

والايام العاديه طبعن اروح اتفرج على الدوري وما يخلص إلا 2 الليل ..

يدووب ارجع استحمى واتسحر وعلى المخده زي الطيبين كخخخ

آآآه نسيت اقوولكم احس بالعار والله آآخ طبعن انا كنت قاعد في امان الله

اتفرج بس على الدوري حق كورة القدم دا إللى عندنا فجأتن جانىعرض من فريق كدا

وقلت يا ولد خلينى العب بما انى طفشان كدا .. ودخلت معاهم وسجلت اسمى ومبسووط

عشااان فيلو منافسه الدوري دا واغلب الشباب اعرفهم لانو كنا كلنا في فريق واحد بس بسبب الدوري

دا اتفرقنا .. المهم ويووومالجمعه إللى فات لعبنــا اول مباراه وانا متحمس يوووي

وقاعد اهدد الحارس عشنى اعرفو اقولو بجيب هدفين يا ويلك كح كح

المهم لعبنا وفريق مخرفين والله إللى العب معاهم محد فيهم اعرفو وكلهم

شكلهم لاعبين بلياردو وبولينغ كح كح .. وحانت الساعه ولعبنــا المباراه

وكانت وصمــة العار .. انتهت المباراه 6 - 2 .. اتهزمنــا 6

آآآآه سارو يسموونى ابو ستــه .. حتى البزوره الصوغار يتريقو عليا

صاارت وصمة عار عليا آآآه بس حسبي الله ونعم الوكيل

1 2 3 4 5 6 .. يا جماعه والله كتير آآآخ بس

واسمع الناس يترقو على فريقنا .. سموه فريق ابو ستــه كح كح

آآآخ احس بالخزى والعــار ..

لسا عندنا مباراه الخميس والله يستر كم راح تكون الهزيمــه

اصلى شكلى ما راح العب واحد رجلو زي المدرعه دعس على رجلى وجزمتو"الله يكرمكم"فيها مسامير كدا

وعدملى اهل رجلى والله بس انشاء الله تطيب بس في اودى وجهى كل يووم اروح اتفرج ولااازم اندق في كم هرجه

جرحو مشاعيري واحاسيسي كخخخخخخ

المهم ادعوولنا بالتوفيق والبركه كخخخ

ووو الله يستر الاسبووع الجااي عندى كويز يووم الاتنيين وماده عفنه

وكمان يووم التلوت عندى كويز ماده اعفن من إللى قبلها

ادعوولى انو ربي يسهلــى

وبس حبيت اقرقر فووق راسكم شوويا

وكمان بقوولكم انى اضفت كم سبيس حلووين كدا وكل اصحااابو طعميين

وبس سلامتــكم

واشوفكم على خيــر ..

مع اجمل طحاااطيحي

*ابو ستـــهـ

c yaa

[..سلامون عليكوم..]

كيفكم يا ناس ؟؟

انشاء الله طيبون ..

صراحتون انا جدت سيئ الفتره دي وكل يوم انام واصحى واقول

يا ولد انتا كدا اكيد بكرا تسير احسن .. واصحى اليوم التانى "اصلن ما اكون نمت كح كح"

واتراينى اخس من اليوم إللى قبلو ..

صراحتون يمكن انا كنت زمان ويمكن كتير كان يعرفوونى

كنت ابو النكد .. وحالتى حاله وحساس واهبل وكل شي ..ومنطوى ودووبا

ومتشائم .. ومعدوووم .. بس كان في ميين يسمعلى .. احس انو بيساعدنى

لكن دحين اتغيــرت .. كبرت .. نحفت "اهم شي كخخ" والله شافونى من الناس إللى اعرفهم

زمان اغلبهم ما عرفنى .. بقوه اتغيرت اسلوبي حياتى اتغيرت للأفضل طبعن

صرت احسن من اول فرفووشي و حبوب وعندى علاقات كتير وفي كل الماكنات "جمع اماكن"

بس احيانا اتضايق .. والله غصبن عنى .. بس ما آلاقي مين يسمعلى ولا مين احس انو يساعدنى

احس انو الكل منشغل في حياتو يعنى الاغلبيه عشنى يمكن دايما اضحك ودايما اتريق

احس انو الكل يكلمنى عشان يضحك او يتونس !!ما احس احد بيسمعلى

يا جماعه انا والله عندى اصحااب في كل مكان مستحيل والله اطلع وما اقابل احد اعرفو

مستحيييل .. بس ليه احس كدا مدرى .. يعنى عندى واحد من اعز اصحابي يمكن هوا الوحيد

إللى يسمعلى وانا اسمع له .. يعنى هوا الوحيد إللى ممكن يخفف عليا

انا جدن معدوم ..ليا اسبوع انام ساعتين واصحى منى قادر انام كح كح

احس انو فيا برود العالم كلو .. زي المزهريه بالزبط بدون احاسيس ..

صحيح انى دايمن مبتسم .. بس الوجه القرفان لازم اسويه

يعنى بالله احد يدخل آيس لاند يتثاوب !! احد يروح مرسى الاحلام يحط كرسى قدامو وينسدح

مدري ما احس في شي محمسنى ..

خلاص بتجنن شكلى !!

طفشت من كل شي من النت كمانه !!

شكلى بموت .. <--سرري بس كخخخ

تعرفو إيش احس .. احس انى الصاحي النايم

بعطيكم مثال وانا العب كوره .. واحد شات الكوره ليا جيت بحط رجلى الكوره عدت من تحتى

وانا العب طايره واححد ضرب الكوره بقوه وجيت بشرد منها وانا اجري طب صقعت فيا

واحد يدينى الكوره عبال ما اجيبها تكون طاحت ..

احس حياتى تمشي بالبطئ !!

فعلن عذاب وشي مطفش !

تعرفو احس انى امشي كدا .. وكل الاشياء إللى جنبي لونها اسود وابيض مافي شي ملون

<--- يا شيييخ اطلع منها يرحم اهلك ..

انا على دي الحاله من فتره ..

يعنى يعنى انا حالتى سيئه مررره دقن وشعر وحاله..

اقول لأمى زوجينى مهى راضيه ..

شوفو صراحتن مافي شي معين ممكن يسويلي كدا

بس في شخصين طلعو في حياتى احس من بعدهم حياتى صارت كابوس + لما انخرب تلفزيون امى

وصارت تتفرج عندى

اوووه تصدقو احس انى احسن شويا كدا

تعرفو مسكنى كابتن فريقنا امس قلى شووف انتا الفتره دي سيئ جدن

وحالتك حاله لازم تتحمس وتشوف لنفسك صررفه بعدين لمن ما تلعب معانا مباريات

لا تزعل منى !!!

آآآخ يا نفسي حالتى صعيبه ..

يالله بس حبيت ادردر فووق راسكم شوويا

وآسف ازعجتكم

وشوكرن على استماعكم لي

وسلامتكم

سلاموون عليكوووم ..

كيفكوووم ؟؟ انشاؤ الله كويسوووون

المهم يا قومن .. ترانى اضفتو حاجاتون جديدتون ..

زي مجموعة افلامى عارف انو ما من امها فايده بس مشوو حالكم ..

واضفت مجمووعة كروت سوويتها منذو وهلة من الزمن ليس بالقريب وليس بالبعيد

اتمنى تعجبكم

المهم اليوم طنت معايا اتكلم عن نفسي ..

اسمــي :- يــاســر ..يقوولكم كانو يبغو يسموونى هلال كخخخ تخيلو

ولا صدااام .. يمدانى دحين معتقل كح كح

ينــادونى :- ياسر .. يسووور ..ابو اليو .. يسري ..سيس ..سيزو

ما يقهرنى إلا يسري ياخي احس نفسي مصري حسبي الله بس ..

دراستــى :- طبعن انا طالب في جامعة ام القرى .في كلية العلوم قسم احياء تخصص احياء دقيقه

والله جامعه مررره مخلللصه ومرره مالها اي داعى مو دراسه تريقه اصلن الحمدولله بس

ارقامى المفضلــه :- 20 .. و 7..

اكره رقم :- 9..

الوانى المفضلــه :- اسود .. ابيض .. سماوي ..احمر

مشاكل جسديـه :- عندى مشكله في ركبتى اليمين .. وعندى ثقب في القلب منذو الصغر..نظري ضعيف 

مطاعمى المفضله :- ماكدونالدز ..آبل بييز ..بروست البحر "كخخخ مطعم جنب بيتنا"..كودو..بيتزا هت

آكلى المفضل :- البرغـر .. البيتزا .. فوتتشينى ..شربة حب كخخخخ

مشروبي المفضل :- كوكاكولا .. رانــى بالخوخ .. دناو بالخوخ والمشمش .. ديو

محلاتى المفضلـه :- Blend .. Zara .. Teeranova .. Next .. Jack&Jones..Baleno S&K .. celio

بلدي المفضلــه :- إيطاليـــــــــا ..

طفولتــى :- كانت حزينــه اكثر ..من إنها سعيــده

بيتنــا :- انا عايش مع امى واختىو الشغاله فقط لا غيــر ..

هواياتى :- طبعن طبعن كوورة القدم امارسها بشكل يومي كح كح هوايتى منذو الصغر ..

والعب كورة طايره كنا نلعبها مع الشباب حق ونسه بدون اصول اللعب او لعب محترفين كح كح

لكن فجأه صرنا نلعب مع محترفين واحتفرنا كورة الطائره كخخخ..

احب ارسم بس اعتزلت الرسم لانو مافي مستوى .. وهوايتى اجمع عملات ..وواعشق افلام هوليوود واحب التصميم بالفوتو شوب

معلومـه :- .. انا انسان اشطف .. او أيسر او اشول .. يعنى استخدم يدي اليســار ..ما عدا في الاكل

واحيانن اعوذ بالله وانا آكل استخدم اليسار ..ممم استخدم رجلى اليسار في الكوره ..

مركزي في ملعب الكوره :-جناح يســار -مهاجم كح كح

مركزي في ملعب كورة الطايره :- ضارب ايـسـر مركز اتنين

اصحابي :- طبعن انا عندي اصحاب كتير مشاء الله .. بس في شلة درسو معايا وهذوول لهم الاولويه في كل شي واعزهم اكتر من اخوانى ..وتقريبن هما خمسه .. عير كدا عندى اصحاب الجامعه وطبعن اصحابي بس في الجامعه وعندى اصحابي في معلب كورة القدم .. وعندى اصحابي في ملعب كورة الطايره .. وعندى اصحاب النت عاد اووه مرره كتيرين .. واعز اغلبهم لانى اكون قريب منهم ..

احـب :-

اهلى .. نادي اليوفنتوس ..اصحااابي .. سيارتى .. غرفتى .. البس آساور .. المعسل كخخخ ..واساعد الناس ..واى شي حلووو

اكـره :-

واحد اعرفو .. المصالح .. الفلسفه ..احد يصررخ عليا .. الحسد .. الناس اللى فكرهم معفن .. الطايف ..الغيبــه .. والنميمــه .. الافلام الهنديه ..واخيرن .. انا بكره إسرائيل وبئولها لو اتسأل كخخ

انا :- اعوذ بالله من دي الكلمه كخخخ انا البحر في احشائوه الدر كاملن كخخخ لا لا صراحه انا قلبي طيب .. بس مشكلتى ياناس احقد .. وما انسى .. وحــذر مررره ..عصبــي احيانن ..مخي نظيف ..احووب احيانن اكون لوحدي ..حساس يمكن ..كتوووم .. مقدر اقول كل شي في نفسي ..دمعتى ما تنزل بسهوله..احن على الاطفال ..واشياء كتير كخخخ

عااارف انى شتلت امخاكم كخخخ بس بينى وبينكم طفشان .. وقلت يا واد يا مجننى يا انا خلينى اقرقر هوون شوويا

اتمنى ما اكون طفشتكم .. وانبسطتو من قرقرتى كخخخخ

وبس سلامتكم

وهادي صووره تانيه له لما كان صغير ..

2:ToTa"كوثر"

وتلقب بسعديه خانوم كخخخخ

طبعن هادي اصغر من عزوز .. وعمرها يمكن سنتين تقريبن ..

اووووه على هادي البنت ..فعلن لئيمه ههههه مسكينه والله حبوبه

لكن شرانيه احيانن وقوية عييين .. واى ولد عندو سياره ضغيره

على طوول تقوول عنو عمو .. ههههه تحبنى مررره هما يقولو كدا ..

وانا كمان احبهــا بس احيانا الله يهديها تصير مزعجه اف ياااربي

وهادي صوره لها مع عزوز

3:BoB"عبدالوهاب"

هذا حبيييييييبي انا والله اموووت فيييه وربي ..مدري مرره احسو طيب ههه

عمرو تقريبن 9شهور بس رائع بمعنى الكلمه هههه إللى يعجبنى فيه

هادئ من زي فرقة حسب الله عزوز وتوتا .. بس شكلو راح يكبر وينضم للفرقه

مدري احس فييه شبه منى وانا صغير كخخخ

وهادي صوور له

***

طبعن .. عزوز عنده مرض معرف عنو شي .. وممنوع من اكل اشياء زي اللوز والفول

واغلب المكسرات .. والبندق والحاجات دي ..

وتوتا .. عندها تقووس في رجولها .. ولها شوز خاصه تلبسه واحيانن تحزن والله

مررره رحنا سيتى ماكس بنشترى شوز لعزوز وقعدت تبكي نفسها في شوز

وراحت اختارت .. واشترينا لها رغم انها ما تقدر تلبس ..

الله يشفيهم الاتنين يااارب ويحفظهم ..

اتمنى ما اكون طولت عليكم كح كح

وبس سلامتكم